Qui c’est ch’ti-là ?

Ben vlà, cha c’minche par un facteur qu’est bien imbêté parce qu’il o eine lettre qu’y n’sait à qui r’mettre ! Sur ch’l’inv’loppe, y a bien ch’nom d’famille, Esmarrone, et ch’nom de ch’village, Parichy, mais ch’est toute ! Pas d’prénom, pas d’nom d’rue alors que des gins qui portent ch’nom-là dins ch’village, y n’n’a des tas. Il est donc obligi d’les rassembler tertous, ceux qui s’intindent pis ceux qui n’s’intindent pas, ches braves et pis s’zeutres…Cha fait d’jà eine rude histoère ! Mais l’pire est à v’nir parce qu’in va apprindre que ch’ti qui l’o écrit, il étot parti de ch’village y a près d’40 ans pour faire fortune. Y dit qu’il a réussi à Hong Kong et qu’y va donner d’l’argint à tout’ s’famille. Imaginez comme cha va leu’monter à la tête à ches gins ! Mais seulemint y vont être obligis d’shabilli comme en Chine et d’prindre ches coutumes chinoises…
      J’vous laisse deviner ch’que cha put faire des picards chinois !